Նվիրված է ՌԵՆԵ ԼԱԼԻԿԻՆ

ԹԻՎ ՀԱՄԱՇԽԱՐՀԱՅԻՆ ԺԱՌԱՆԳՈՒԹՅՈՒՆ շարքի ամենաառեղծվածային ստեղծագործություններից է ֆրանսիացի  ոսկերիչ, ապակեգործ և Արտ  Նուվոյի ամենանրբաճաշակ վարպետներից մեկի՝ Ռենե Լալիկի «Ճպուռ-Կինը» աշխատանքը։
Այս գլուխգործոցը ներկայումս ցուցադրվում է Լիսաբոնի Գյուլբենկյան թանգարանում: Գալուստ Գյուլբենկյանի և Ռենե Լալիկի ծանոթությանը հիմք դրած՝ մաներիստական զարդերի ֆանտաստիկ նմուշներից ամենաակնառուն «Ճպուռ-Կինն» է։ Կորսաժային այս զարդը յուրահատուկ է իր գեղեցկությամբ և երևակայությանը սնող խորհրդավորությամբ։ Ճպուռի մարմնով կինը սքանչակերպ նիմֆա է, ֆանտաստիկ արարչագործություն. հենց այս աշխատանքի միջոցով ենք մենք փորձում բացահայտել այն աներևակայելի աշխարհը, որը ստեղծվել է Լալիկի կողմից։


«Ճպուռ-Կինը», Ռենե Լալիկ




Վայելե՛ք պատասխանատվությամբ

Սիրով՝ ԹԻՎ